- 99 -

1333. Jan. 28. Liegnitz.

Herzog Boleslaus bekennt, dass der liegnitzer Bürger Hermannus Ottonis dem in dem Hospital zu St. Nicolaus weilenden Herman Institor 2 Mark Einkünfte auf 6 seiner Hufen im Dorfe Ruya, liegnitzer Districtes, ad dies vitae, für 13 Mark Prag. Gr. verkauft habe.

Nos Boleslaus dei gracia dux Slezie et dominus Legniczensis recognoscimus vniuersis tenorem presencium inspecturis, quod coram nobis constitutus fidelis noster Hermannus Ottonis ciuis Legniczensis, sanus mente et corpore, cum consensu et assensu suorum amicorum vendidit rite et racionabiliter Hermanno Institori, moranti in Hospitali aput sanctum Nicolaum confessorem prope ciuitatem nostram Legnicz, duas marcas reddituum in sex mansis suis, quos in villa dicta Ruya, nostri Legniczensis districtus, dictus Hermannus Ottonis habere dinoscitur, super dimidiam marcam circa qualibet quatuor tempora ad vitam predicti Hermanni Institoris annis singulis largiendam pro tredecim marcis grossorum Pragensium Polonici numeri; si quid in dicto Hermanno Institore humanitus contingerit et dictas duas marcas reddituum nomine testamenti legauerit cuicumque vel quocumque, cum dictus Hermannus Ottonis vel sui successores hijs, quibus prelibate due marce legate fuerint, juxta oportunitatem eorum, scilicet Hermanni Ottonis et suorum successorum, prememoratas tredecim marcas restituendo persoluerint. . ex tunc dictus Hermannus Ottonis cum suis successoribus desolucione annuali predictarum duarum marcarum penes supradicta quatuortempora distinctarum erunt perpetue liberi et exempti; et quia predictus Hermannus, cum in extrema valitudine corporis esset, disposuit et ordinauit veri testamenti legando et donando prehabitas duas marcas ciuibus nostris seu consulibus Legniczensibus, nomine ciuitatis Legnicz pro refeccione, construccione, restauracione et emenda poncium, viarum facienda, ubi ipsis consulibus magis videbitur esse oportunum. Cui legacioni et donacioni huiusmodi consensum et assensum nostre gracie prebemus et adhibemus per presentes. Cupientes vero cultum huius testamenti vigorosius roborare, nostro judici curie, qui pro tempore fuerit, si qua negligentia in terminis persolucionis, ut dictum est, contingeret, precipiendo mandamus, vt incole dictorum mansorum et habitatores sine strepitu judicii impignorentur. In cuius rei testimonium presentibus nostrum sigillum est appensum. Datum Legnicz feria quinta post conuersionem sancti Pauli, anno domini M°CCC° tricesimo tercio.

Beglaubigte Abschrift des Jahres 1408 fer. sexta ante Quasimodogen. (Apr. 20), im Stadtbuch de anno 1372 zwischen p. 58 u. 59. Dem Original dieser Beglaubigung, als Umschlag des liegn. Schöppenbuches vom Jahre 1433 benutzt, ist auf der rechten Seite ein Theil der Schrift der Länge nach abgeschnitten. Enthalten ist ferner obige Urkunde in dem Zinsbrief vom Jahre 1409, fer. quarta prox., ante festum beate Prisce virg.t Zinsbriefbuch de anno 1390 p. 133.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866